سیل سنتوش سدا سم درشٹی رہنی گہنی میں پورا

جس کی طبیعت میں انکسار ہے، دل میں صبر ہے، جو صاحبِ نگاہ ہے اور رہن گہن میں پورا ہے، جو اس (ذاتِ پاک) کا دیدار کر چکا ہے وہ خوف اور ہراس سے بے نیاز ہے۔ اس کے ذہن میں ہر وقت ذاتِ پاک کا تصور اس طرح رہتا ہے جیسے دل میں صندل کی خوشبو بسی ہو، اسے کوئی دوسری داستان پسند نہیں آتی۔ اٹھتے بیٹھتے وہ اس کا گیت گاتا ہے اور چاروں طرف پریم رنگ اڑاتا رہتا ہے۔ وہ راگ کی طرح مسلسل اور پر سکون ہے۔ نڈر ہے اور بے پراہ ہے، کبیرؔ کہتے ہیں کہ اس کا چرن چھوؤ جو ہر وجود کو سکھ اور پریم سے بھر دیتا ہے۔

(ترجمہ: سردار جعفری)