اے شافع تر دامناں و وے چارۂ درد نہاں

اے گنہگاروں کی شفاعت کرنے والے، اے اہلِ درد کے چارہ گر

اے دل کی جان اور روحِ رواں یعنی عرش کے بادشاہ

اے میری جان، میرے محبوب، مرےدرد اور میرا علاج

میرا دین، میرا ایمان، میرا امن اور امتیوں کی امان

پھول تمہاری بو سے مست اور بلبل تمہارے چہرے پر فدا ہے

سنبل تمہارے موئے مبارک پر نثار اور طوطی تمہاری یاد میں نغمہ خواں ہے

میرا دل تمہاری یاد میں سوزاں اور جگر رنج و غم سے پارہ پارہ ہے

الم کی وجہ سے سینے میں سیکڑوں داغ ہیں اور آنکھوں سے دریا رواں ہے

خدا کے واسطے مرہم رکھو، ہماری مشکل کی گرہ کشائی کرو

میری فریاد سنو اور داد رسی کرو، ہم مجبوروں کو سہارا دو

اے مولیٰ میں بہت مجبور ہوں، اے بادشاہ میں چشمِ کرم کا محتاج ہوں

اے عرب کے سورج اور عجم کے چاند، بندوں کے حال پر رحم فرما

میری جان بڑی تلخی میں ہے، ذرا شکر ریزی کر

خستہ جاں رضا کے لیے اپنے چہرے سے نقاب الٹ