اے طالباں اے طالباں من با شما ہر جاستم

اے طالبو! اے طالبو ! میں تمہارے ساتھ ہر جگہ ہوں

آنکھوں میں بھی جلوہ گر ، دلوں میں بھی مضمر ہوں

مجھ سے یہ فاصلہ اور یہ فراق تمہارے گمان اور فکر کا نتیجہ ہے

اپنی نسبت سے میں تمہارے ساتھ دریا اور موج کی طرح ہوں

اس سے بے نیاز کہ لوگ میرا اقرار کریں میں سب سے زیادہ قائم ہوں

اس سے غنی کہ لوگ میرا استثنا کریں میں سب سے مستثنیٰ ہوں

اس دنیا کی روش کے برخلاف میں پردے میں ظاہر ہوں

جتنا میں بے حجاب ہوتا ہوں اتنا ہی میں حجاب میں رہتا ہوں

میں عالم اجسام کی صورت بھی ہوں ، میں عالم ذات کا معنی بھی ہوں

میں پوشیدہ سے بڑھ کر پوشیدہ اور ظاہر سے زیادہ ظاہر ہوں

میں جملہ عظمت و شان کی خلوت سے جدائی کی محفل میں آیا

اپنے نور کی شادمانیوں سے میں نے دنیا کی بزم سجائی

فانی و باقی جہاں میں اگر چہ میرے علاوہ کچھ نہیں ہے

(مگر) میں اپنی خالص ذات میں سب سے بلند مرتبے پر ہوں

اپنے حسن کے ساتھ میں نے عشق و عاشقی کی شطرنج کھیلی

میں ہی لیلیٰ و مجنوں ہوں اور میں ہی وامق و عذرا رہا ہوں

کبھی میں شیخ بن کر خانقاہ میں ہوں، کبھی رند بن کر میخانے میں

کبھی میں تسبیح و مصلا ہوں، کبھی میں جام و مینا رہا ہوں

میں اول و آخر بھی ہوں، میں ظاہر و باطن بھی ہوں

میں عالم دنیا بھی ہوں (اور) میں جہانِ عقبیٰ بھی

کبھی نیاز میرا ایمان ہے، کبھی بے نیازی میری شان ہے

یہ دونوں مجھ پر زیبا ہیں، میں بندہ ہوں، میں آقا بھی ہوں