بدہ دست یقیں اے دل بہ دست شاہ جیلانی

اے دل ! یقین کا ہاتھ شاہ جیلانی کے ہاتھ میں دے

کیوں کہ ان کا ہاتھ حقیقت میں اللہ کا ہاتھ ہے

آپ امیر ہیں، دستگیر ہیں، غوث اعظم، قطبِ ربانی ہیں

حبیب ہیں، دنیا کے سردار ہیں اے واہ محبوب سبحانی ہیں

اللہ پاک کی عظمت و شان کا نشان ہیں، پوشیدہ اسرار کا بیان ہیں

سیرت میں رسول کا نمونہ، صورت میں ثانی مرتضیٰ

آپ سراپا حسن کا جلوہ ہیں، کاملاً روشن آفتاب ہیں

اگر یہاں یوسف ہوں تو وہ (بجائے معشوقی) عاشقی کریں

ان کے مقدس قدموں سے پاک بازوں کے کاندھوں کو فخر حاصل ہے

دین اسلام نے ان سے نئی زندگی پائی

بدقسمتی کی تاریک رات کو ان کے لطف کا ذرہ منور کر دیتا ہے

ان کی عنایتوں کی روشنی مسافروں کی شام کے چہرے کو منور کر دیتی ہے

اپنی فیاضی سے عطا کردیتے ہیں ادنیٰ، بے سرو سامان کو

ان کی چوکھٹ کے فقیر، فرماں روائی کا تاج، بادشاہت کا تخت

فرشتے ہٹو، راستہ دو کہتے ہوئے ان کی رکاب میں چلتے ہیں

انسانوں اور جناتوں کے گروہ کے مقربین ان کی جلوہ داری کرتے ہیں

اے نیازؔ ! ان کی مقدس بارگاہ میں پاکیزہ سرشت ہونا چاہیئے

کیوں کہ وہاں جبرئیل دربانی کی خدمت کے لئے آتے ہیں