مرید پیر مغانم دگر نمی دانم

پیرمغاں کا مرید ہوں، میں اور کچھ نہیں جانتا

اس کی شرارت سے خراب ہوں، میں اور کچھ نہیں جانتا

یہی کہ پیر مغاں میری ہدایت کرنے والا اور میرا پیر ہے

کافی ہے میرا نام ونشان، میں اور کچھ نہیں جانتا

دل کو چوں کہ میری بانسری نے عشق کا زمزمہ سنایا ہےاس لئے بانسری کی طرح شور و فغاں میں ہوں، میں اور کچھ نہیں جانتا

دوست کے رخسار کے حسن کی چنگاری نے مجھ میں آگ لگا دی ہے

سوختہ جاں جلا ہوا ہوں، میں اور کچھ نہیں جانتا

اپنے آئینے میں جب سے میں نے خدا کو دیکھا

میں خود اپنے کو دیکھ رہا ہوں، میں اور کچھ نہیں جانتا

اے دوستوں ! میں زمانے کا راز کیا بیان کرون کہ میں خود گم ہوں

سوائے اس کے کہ میں کچھ نہیں جانتا، میں اور کچھ نہیں جانتا

میری خدا پرستی نے مجھے میرے خدا تک پہنچا دیا

میں احاطہ و بیان سے باہر ہوں، میں اور کچھ نہیں جانتا

اگر تو نے مجھ سے پاکی کا اعلان سنا ہے

تو تو نے میری زبان سے کہا ہے، میں اور کچھ نہیں جانتا

فخرالدین کے ظہور سے فقر کو کمال حاصل ہوا

میرے دل وجان ان پر فدا، میں اور کچھ نہیں جانتا

میں محبوب میں دریا کے بلبلے کی طرح محو ہوگیا

مخلوق کی آنکھوں سے پوشیدہ ہوں، میں اور کچھ نہیں جانتا

میں اپنی بے نیازی کی خبر نیازؔ کو دے رہا ہوں

کہ تو میری دنیا کی جان کی جان ہے، میں اور کچھ نہیں جانتا