بوئے خوش تو ہر کہ ز باد صبا شنید

تیری خوشبو جس نے بھی باد صبا سے سونگھی، اس نے جانے پہچانے دوست کی جانی پہچانی بات سنی۔

میرے شکر گزار دل کی یہ سزا نہ تھی، کہ اس نے اپنے غمگسار سے نامناسب بات سنی۔

اے حسن کے بادشاہ فقیروں کی حالت پر رحم کر، اس لئے کہ ان کانوں نے بادشاہ اور فقیروں کے بہت سارے قصے سنے۔

میں مشکیں شراب سے جان کے دماغ کو خوش کرتا ہوں، اس لیے کہ عبادت خانہ کے گدڑی پہننے والے سے اس نے ریا کو بو سونگھی ہے۔

خدا کا راز جو عارف سالک نے کسی سے نہیں کہا، مجھے تعجب ہے کہ مے فروش نے کہاں سے سنا؟

ہم گدڑی میں چھپا کر آج ہی شراب نہیں پی رہے ہیں، میکدے کے شیخ نے سو بار یہ قصّہ سنا ہے۔

اے خدا ایسا ہم راز کہاں ہے کہ تھوڑی دیر کے لئے، دل اسکی تفصیل کرے کہ کیا دیکھا اور کیا کیا سنا۔

ہم چنگ کی آواز پر شراب آج ہی نہیں پی رہے ہیں، بہت زمانہ ہو گیا کہ آسمان کے گنبد نے یہ آواز سنی ہے۔

ساقی آ جا کہ عشق پکار رہا ہے، جس نے ہمارا قصّہ بیان کیا ہے اس نے ہمیں سے سنا ہے۔

دانا کی نصیحت بالکل درست اور خالص بھلائی ہے، مبارک نصیب وہ ہے جس نے رضا مندی کے کان سے سنی۔

جو میں نے کہا اس نے نہ سنا اور چلا گیا اور یہ عجیب بات ہے، میں نے تو سنا ہے کہ بادشاہ نے فقیر کی بات سنی ہے۔

اگر میں اس کے کوچہ سے محروم رہا ہوں تو کیا ہوا، زمانہ کے گلشن سے کس نے وفا کی خوشبو سونگھی ہے۔

شمالی ہوا نے ہر شام کو میرا اور دل کا قصّہ بیان کیا ہے، ہر صبح کو صبا نے میرا اور اس کا قصّہ سنا ہے۔

اے حافظؔ تیرا وظیفہ بس دعا دینا ہے، اس فکر میں نہ پڑ کہ انہوں نے سنا یا نہیں سنا۔