دل من با دل احمد تعلق ہر زماں دارد

آنحضرت کے قلب مبارک سے میرے دل کا تعلق ہمیشہ قائم رہتا ہے۔ یہ تعلق دائمی فیض کی صورت میں ایک رشتۂ نوری کے ساتھ قائم رہتا ہے۔ (اس شعر میں حضرت نصر نے اپنے سلسلہ طریقت کی ایک تعلیم کی طرف اشارہ فرمایا ہے)۔

عشق احمد کیا ہی خوب عشق ہے۔ اے رب! اس میں ہمیشہ اضافہ فرما۔ درد احمد بھی کیا خوب درد ہے، جو میرے دل پاک میں پوشیدہ رہتا ہے (اپنے دل کو اسی درد عشق کی بنا پر دل پاک کہا ہے)۔

ان کا خیال شب و روز میرے جان ودل کو گھلاتا ہے، ان کا جمال میری نگاہ میں کے سامنے ہے۔ (اس دوسرے مصرعہ میں بھی تعلیم طریقت یعنی زیارت نبوی کے ایک مخصوص طریقے کی طرف اشارہ ہے)۔

ان کی جدائی میں میرا جسم وجاں گھل رہا ہے۔ یہ کیسا درد ہے، ان کے ہجر کا درد؟ ان کی تمنا کا درد بھی کیا خوب ہے؟ جس کو نصرؔ نے روح میں داخل کیا ہوا ہے۔