من ز سودائے محبت والہ و دیوانہ ام

میں عشق کرنے والا مجنوں اور دیوانہ ہوں اور میں محبوب کے سر شوریدہ اور رخ زیبا سے محبت میں محو ہوں۔

میں ساقی کی مخمور نگاہوں سے مست و سرشار ہوں اور وہ بندۂ پیر مغاں میرے میخانہ کی خاک ہے۔

اے ساقئ بادہ فروش میں تجھ پہ قربان ہو جا‍‍‌ؤں جو تو مخمور کر دینے والی شراب سے میرے جام کو بھر دے۔

اے عابد پارسہ، میرا خدا اس کا حسن و خوبصورتی ہے میرا بتخانہ و کعبہ اور بیت المقدس اسکی منزل و مسکن ہے۔

اے زاہد تم اپنا کام کرو، میرے کفر اور ایمان پر سوال نہ کرو کہ میرا مشروب عشق اور بادہ نوشی میری دیوانگی ہے۔

اس دلبر کے حسن کی تجلی طور کی طرح ہے (کہ جس طرح طور کی تجلی نے پہاڑ ریزہ ریزہ کیا تھا) ویسے ہی ہزاروں بجلی اور شعلوں نے میرا گھر جلا کر خاک کر دیا ہے۔

پیر مغاں کے میخانہ میں شاہدوں کے ساتھ میرا وقت مسرور و شاد گزرا جب تک احمد کی رندی و سرمستی مشہور ہو تب تک افسانہ میں ہوں۔