سلام اللہ ما کر اللیالی

اللہ کا سلام ہو، جب تک بھی راتیں مکرّر ہوں، بزرگیوں اور بلندیوں کے بادشاہ پر۔

پیلو کے جنگل پر اور ان پر جو وہاں ہیں، اور میرے گھر پر جو لویٰ میں ریتیلی زمین پر ہے۔

میں دنیا کے مسافروں کا دعاگو ہوں، اور میں متواتر اور پے در پے دعا کرتا ہو۔

اے دل نالہ نہ کر اس لیے کہ اس کی زلف کی زنجیر میں پریشان حالی، پورا اطمینان ہے۔

میں صبر کرتے کرتے مرا جاتا ہوں اے کاش میں جان جاتا، وصل کی خوشخبری دینے والا کب بولے گا؟

ہر گھڑی تیری محبّت میری راحت ہے، اور ہر حالت میں تیرا ذکر میرا مُونس ہے۔

میرے دل کا سیاہ نقطہ قیامت تک، خدا کرے تیرے عشق کی جلن سے خالی نہ ہو۔

تجھ جیسے بادشاہ کا میں وصل کب حاصل کر سکتا ہوں؟ میں بدنام لا پرواہ رند۔

تیرے سبزۂ خط سے سو حسن اور زیادہ ہو گئے، خدا کرے تیری عمر سو قمری سالوں کی ہو۔

قدرت کے اس نقاش کو شاباش ہے، جو چاند کے چاروں طرف ہلالی خط کھینچتا ہے۔

وہ جس منزل کی طرف بھی رُخ کرے اے خدا، دائمی حفاظت سے تو اس کی حفاظت کر۔

چاہئے کہ تو رہے ورنہ آسان ہے، جانی اور مالی سرمایہ کا نقصان۔

خدا جانتا ہے کہ حافظ کا کیا مدعا ہے؟ اور میرے مانگنے کی بجائے اللہ کا جاننا میرے لیے کافی ہے۔