ستم است گر ہوست کشد کہ بہ سیر سرو و سمن در آ

یہ ستم ہے کہ تو سیرِ سرو و سمن کی خواہش رکھتا ہے ( تیری ہوس تجھے فانی و دنیاوی گلستان کے سرو و سمن کی سیر پر اُکساتی ہے)، تُو خود کسی غنچے سے کم کِھلنے والا نہیں ہے (یعنی خود پھول ہے) اپنے دل کا دروازہ کھول اور (حقیقی) چمن میں چلا آ۔

نافہ مشک کی خوشبو اُڑ جاتی ہے، اس کی تلاش نہ کر

زُلفِ محبوب کی گرہ کھول اور خُتن (جہاں کے ہرن اپنے نافہ مشک کی وجہ سے مشہور ہیں) میں آ

ہوس سینے میں آزوؤں کی پرورش کرتی ہے جو انسانی وجود میں وحشی جانوروں کی طرح سرگرم عمل ہیں، خدا جانے تو کیسے آرزو پروری کے جنوں سے واقف ہوا۔ اور کس نے تجھ کو یہ سبق پڑھایا کہ بالآخر عالم اضداد (تو و من) کا اسیر ہوکر حقیقت کو فراموش کر بیٹھا۔

غم انتظار نے برا حال کیا، تیرے خیال میں مر گیا

چند قدم پرسش احوال کو آ جیسے بدن میں جان آتی ہے

معبود کی جانب سے ہر وقت بندوں کو صلائے عام ہے کہ جو حوصلہ رکھتا ہو، اظہار وفا کرے، بارگاہِ خلوت ادب تک رسائی محال نہیں ہے۔

عارف کیلئے دنیا زندان اور قفس ہے، روح ہمیشہ اپنے وطن اصلی کی طرف لوٹنے کے لئے بیقرار رہتی ہے۔ ظاہر ہے کہ مسافر عالم غربت میں خوش نہیں رہتا اور اس کا دل اندر سے کہتا رہتا ہے کہ پہلی فرصت میں گھر واپس چلئے۔