صورتم پستست لیکن معنیٔ دارم بلند

میری صورت پست ہے لیکن بلند معنی رکھتا ہوں

میرا باطن آزاد اور بے قید ہے، میرا ظاہر قید و بند میں ہے

راہ حق کو طے کرنا آسان نہیں، سوائے اس کے کہ سر سے گزرا جائے

اس راستے میں اے دل مشکل پسند ہمت چاہیئے

وجود کے ظاہر و باطن میں سوائے ذات حق کے کچھ ظاہر نہیں ہے

اے دانا ! دل کی آنکھیں کھول اور بے حجاب مشاہدہ کر

باطن و ظاہر خود وہ ہے اول و آخر خود وہ ہے

کیف و کم سے بلند ہے اور کیف و کم میں جلوہ گر بھی

خود وہی شیخ و برہمن بھی ہے خود وہ مندر و مسجد بھی

خود وہی جنت اور رضوان بھی ہے اور خود وہی آگ اور سزا بھی

خود وہی مست بھی ہے اور شراب اور میخانہ بھی اور خود وہی ساقی ہے

خود وہی ملا اور واعظ بھی ہے جو واعظ و پند میں منہمک ہے

خود وہی معشوق بھی ہے، اور عاشق بھی، خود وہی حسن بھی ہے اور عشق بھی

اور عقل والوں کی نگاہ میں خود وہی معبود بھی ہے اور عابد بھی

خود وہی اپنے جمال کے نظارے میں وجد کے ساتھ مشغول ہے

خود وہی عشق کی آگ میں سپند کی طرح جل رہا ہے

خود وہی اپنے طلسم کے دریا میں مستغرق ہے

(اور) خود اپنا انکار کرکے خود پر ہنستا بھی ہے

وہ خود اپنے آپ سے محجوب ہوا اور خود اپنے آپ سے پوشیدہ ہوا

(اور) خود اپنا نقاب ہوا اور خود اپنے چہرے پر خود کو ڈال لیا

اپنے آپ کو حق سمجھ اور حق دیکھ تاکہ انجام حق ہو

حق پسندی کی راہ سے حق کے طالب کا پتہ میں نے بتا دیا

حقیقت کا یہ نقطہ نیازؔ بے نیاز سے سنو

کہ دونوں جہان کا یہ سارا نقش سوائے نقشبند کے کچھ نہیں ہے