آمد بہار اے یار من بشگفت گلہا در چمن

اے میرے دوست بہار آ گئی ہے چمن میں پھول کھل گئے ہیں، ہر بلبل سرو اور نرون کی شاخ پر گانا گا رہی ہے۔

بادصبا پھول برسانے لگے، اے ساقی شراب دے تاکہ میں ہو جاؤں کبھی کبھی تمہاری آنکھوں سے مست اور کبھی شراب سے۔

تمہارے عارض زیبا کی وجہ سے ہمارے لیے باغ اور پھولوں کی کوئی حیثیت نہیں تمہارے خوبصورت قد وقامت کے مقابلے میں سروو نارون بے حیثیت ہے۔

تمہارے رخساروں کی یاد میں میں اپنی آنکھوں سے آنسوؤں کی ندیاں یوں بہاتا ہوں، تاکہ تمہارے گلہائے لالہ کے گرد سنبل اگ آئیں۔

اگر میں غم سے مر جاؤں تو مجھے خوشی ہو گی اس طرح میں تکلیف سے نکل جاؤنگا اے میرے خوبصورت محبوب میں تمہارے ہجر میں کب تک اٹھتا رہوں

کبھی مجھے ہر چیز سے بے خبر کر دیتی ہے اور کبھی میری طرف دیکھتی بھی نہیں ہے۔ اس فتنہ ساز آنکھ کا عاشقوں کے ساتھ یہ کیا جارہانا رویہ ہے؟

اے بت تمہاری زلفوں کے ساتھ، بڑا اچھا وقت گزرتا ہے لیکن یہ بات بادصبا کو نہ بتانا اور میرا وقت ضائع نہ کرنا

تمہارے انتظار میں بیچارے خسروؔ کی آنکھیں چلی گئی اے خوبصورت چہرے والے یوسف اپنے کپڑوں کی خشبو بھیجو۔