اے بے خبر بہ کوش کہ صاحب خبر شوی

اے بے خبر کوشش کر تاکہ تو صاحب خبر بنے

جب تک کہ تو مسافر نہ بنے گا رہبر کیسے بنے گا

مردانِ راہ کی طرح وجود کے تانبے سے ہاتھ دھو لے

تاکہ تو عشق کی کیمیا پالے اور سونا بن جائے

تجھے سونے اور کھانے نے عشق کے مرتبہ سے دور کردیا ہے

تو دوست تک اس وقت پہنچے گا جب بے خواب وخور بن جائے گا

تیرے سر سے پیر تک سب خدا کا نور ہو جائے گا

جب تو ذوالجلال کی راہ میں بے سروپا بن جائے گا

اگر تیرے پیشِ نظر حقیقت کا چہرہ ہو جائے گا

اس کے بعد کوئی شک نہیں کہ تو صاحبِ نظر ہو جائے گا

تیری ہستی کی بنیاد جب زیروزبر ہو جائے

کچھ دل میں نہ لا کہ تو زیروزبر ہوجائے گا

ندگی کے مکتب میں عشق کا ادب سکھانے والے کے سامنے

ہاں اے بیٹا کوشش کر تاکہ کسی دن باپ بنے

اے حافظؔ اگر تیرے سر میں وصل کی تمنا ہے

تجھے چاہئے کہ تو اہل بصر کی درگاہ کی خاک بن جائے