اے ہدہد صبا بہ سبا می فرستمت

اے باد صبا کے ہدہد! میں تجھے سبا میں بھیجتا ہوں

سمجھ لے، میں تجھے کہاں سے کہاں بھیج رہا ہوں

زمانہ کے خاکدان میں ، تجھ جیسے پرند کا رہنا ظلم ہے

میں تجھے اس جگہ سے وفا کے آشیانہ میں بھیج رہا ہوں

عشق کے راستہ میں دوری اور نزدیکی کا معاملہ نہیں ہے

میں تجھے کھلم کھلا دیکھ رہا ہوں اور تیرے لیے دعا بھیج رہا ہوں

ہر صبح اور شام کو دعائے خیر کا قافلہ

پروا اور پچھوا کے ساتھ تیرے لیے بھیج رہا ہوں

اپنے چہرے میں خدا کی کاریگری کی سیر کر

میں تیرے پاس، خدا نما آئینہ بھیج رہا ہوں

تاکہ تیرے غم کا لشکر، دل کے ملک کو تباہ نہ کر دے

اس لیے میں اپنی پیاری جان کو تیرے پاس فدیہ میں بھیج رہا ہوں

ہر دم میرے لیے غم روا نہ کر، اور ناز سے کہہ

کہ یہ تحفہ خدا کے لیے، تیرے پاس بھیج رہا ہوں

اے نظر سے غائب! کہ تو دل کا ہم نشیں ہے

میں تجھے دعا دیتا ہوں اور تیرے پاس تعریف بھیج رہا ہوں

تا کہ گویے میرے عشق سے تجھے با خبر کردیں

قول اور غزل مع ساز اور آواز کے تیرے پاس بھیج رہا ہوں

اے ساقی ! آ غیبی ہاتف نے خوشخبری میں مجھ سے کہا ہے

درد پر صبر کر، کیوں کہ تیرے پاس دوا بھیج رہا ہوں

اے حافظؔ! ہماری مجلس کا گانا تیرا ذکر خیر ہے

جلدی کر، میں تیرے پاس گھوڑا، اور قبا بھیج رہا ہوں