بیا کہ قصر امل سخت سست بنیادست

آ جا! کیوں کہ تمناؤں کا محل بہت کمزور بنیاد کا ہے

شراب لے آ، کیوں کہ عمر کی بنیاد ہوا میں قائم ہے

میں اس کی توجہ کا غلام ہوں، کہ نیلگوں چرخ کے نیچے

ہر اس چیز سے آزاد ہے جو تعلق کا رنگ قبول کرے

میں تجھے کیا بتاؤں، کہ کل شب مست و خراب ہونے کی حالت میں

عالم غیب کے فرشتے نے، مجھے کیا خوش خبریاں دی ہیں

کہ اے بلند نظر، سدرہ نشیں، شہباز!

تیرا آشیانہ، اس محنت آباد کا گوشہ نہیں ہے

تجھے تو عرش کے کنگرے سے آوازیں دے رہے ہیں

نہ معلوم تو کیوں اس جال میں پھنسا ہے؟

میں تجھے نصیحت کرتا ہوں، یاد کر لے اور عمل کر

اس لیے کہ یہ بات مجھے پیر طریقت کی یاد ہے

کمزور بنیاد کی دنیا سے عہد کی پختگی نہ ڈھونڈ

اس لیے، کہ یہ بڑھیا ہزار شوہروں کی دلہن ہے

دنیا کا غم نہ کر، اور میری نصیحت نہ بھلا

اس لے کہ ایک سالک کا یہی نادر لطیفہ مجھے یاد ہے

ملے ہوئے پر راضی ہو جاؤ اور پیشانی سے گرہ کھول

اس لیے کہ مجھ اور تجھ پر اختیار کا دروازہ نہیں کھلا ہے

پھول کی مسکراہٹ میں، مہر و وفا کا نشان نہیں ہے

اے مسکین بلبل نالہ کر، کیوں کہ فریاد کی جگہ ہے

اے! کمزور نظم کہنے والے حافظؔ پر کیا حسد کرتا ہے

طبیعت کی پسندیدگی، اور کلام کی پاکیزگی خداداد چیز ہے