دست از طلب نہ دارم تا کام من بر آید

میں طلب سے دست بردار نہ ہوں گا جب تک کہ مقصد پورا نہ ہو

یا جان جاناں تک پہنچے یا جان جسم سے نکل جائے

جان ہونٹوں پر ہے اور حسرت دل میں کہ اس کے ہونٹوں سے

کوئی مقصد پورا کیے بغیر جسم سے جان نکلتی ہے

تیرے منہ کی حسرت سے میری جان تنگ آ گئی ہے

مفلسوں کا مقصد اس منہ سے کب پورا ہوگا

رخ دکھا دے کہ لوگ دیوانہ اور حیراں ہو جائیں

ہونٹ ہلا، تاکہ مردو زن فریاد کریں

میں نے اپنے آپ سے کہا کہ اس سے دل ہٹا لے، میرا دل بولا

یہ کام تو اس کا ہے جس کو اپنے اوپر قابو ہو

مرنے کے بعد، میری قبر کھول اور دیکھ

کہ میری اندورنی آگ کی وجہ سے کفن سے دھواں نکل رہا ہے

اس امید پر کہ باغ میں تیرے چہرے جیسا کوئی پھول کھلے

نسیم آتی ہے اور ہر وقت چمن میں چاروں طرف چکر کاٹتی ہے

تیری زلف کی ہر شکن پچاس حلقے رکھتی ہے

یہ ٹوٹا ہوا دل اس شکن سے کس طرح نکلے

اٹھ !تاکہ چمن کے لیے تیرے قد اور کمر سے

سرو بھی بغل میں آئے اور نارون بھی مل جائے

بے وفاوں کی طرح ہر وقت ایک نیا دوست نہیں بنایا جا سکتا

ہم ہیں اور اس کی چوکھٹ جب تک جسم سے جان نکلے

اس کا ذکر خیر عشق بازوں کے گروہ میں کرتے ہیں

انجمن میں جس جگہ حافظؔ کا نام آتا ہے