دیدم بلائے ناگہاں عاشق شدم دیوانہ ہم

میں نے بلائے ناگہاں دیکھی میں عاشق ہو گیا، بلکہ دیوانہ بھی میری جان میں جان آئی اور میں اپنوں اور اپنوں سے بیگانا ہو گیا۔

اس سے عشق بھی دیوانہ ہو گیا۔ اچانک ایسی آگ بھڑکی شہر کا سارا سامان جل گیا ویرانے کے سب خس و خاشاک جل گئے۔

خوبصورت لوگ شمع ہیں اور انکی تپش اہل دل جانتے ہیں اس لذت کا تھوڑا سا پتہ پروانے کو بھی ہونا چاہیئے۔

میری دونوں آنکھیں میری جان کے رستے پر لگی ہوئی ہیں۔ بیگانگی نہ کرو یہ گھر تمہارا ہی گھر ہے وہ گھر بھی تمہارا ہی ہے۔

میں آئینہ سے چڑھتا ہوں، کہ وہ تیرے خیال کو اپنے اندر کیوں بسا لینے لگی تمہارے بالوں کے اندر کنگھی کیوں جاتی ہے مجھے اس بات سے بھی چڑھ ہے۔

تمہارے دونوں ابرو اکٹھے ہو کر دل چرانے کا کام کرتے ہیں۔ وہ نرگس مستانہ بھی چوری چوری آنکھ مارتی ہے۔

اپنے دوستوں کے ساتھ مستی اور خوشی میں کبھی کبھی پھول پھینکتے ہو، مجھے دیوانے پر بھی پتھر پھینکو۔

مجھ پر جو جفائیں تمہاری طرف سے آتی ہیں، انکا کیا عذر تلاش کرتے ہو چکی کو جو تکلیف اٹھانی پڑی اسکا احسان دانوں پر مت رکھو۔

ہر رات کو چونکہ اسے نیند نہیں آتی اس لئے خسروؔ تمہارے دروازے پر پڑا ہے۔ ستاروں کو دیکھتا رہتا ہے اور ان سے اپنا غم بیان کرتا ہے۔