دوش از مسجد سوئے مے خانہ آمد پیر ما

کل ہمارا پیر، مسجد سے مے خانہ کی طرف آ گیا

یاران طریقت اس کے بعد ہماری کیا تدبیر ہے؟

آتش پرستوں کے شراب خانے میں ہم بھی پیر کے، ہم منزل ہو جائیں

اس لئے کہ ازل میں ہماری تقدیر اسی طرح بنی ہے

ہم مرید، کعبہ کی طرف رخ کیسے کریں جب کہ

ہمارا پیر، بھٹی کی جانب رخ رکھتا ہے

عقل کو اگر یہ معلوم ہو جائے کہ دل اس کی زلف کی قید

میں کیسا خوش ہے تو ہماری بیڑی کے لیے، عقل مند دیوانے بن جائیں

تیرے حسین چہرے نے مہربانی کی ایک آیت ہم پر کھول دی ہے

اس لیے مہربانی اور بھلائی کے سوا ہماری تفسیر میں کچھ بھی نہیں ہے

تیرے سنگین دل میں کسی رات کو کیا کچھ اثر کرے گی؟

ہماری آگ برسانے والی آہ، اور تمام رات کے نالے کی جلن

دل کے پرندے کے لیے اطمینان کا شکار جال میں پھنسا تھا

تو نے زلف کھول دی، ہمارا شکار پھر ہمارے ہاتھ سے نکل گیا

تیری زلف کو ہوا لگی، جہاں ہم پر تاریک ہو گیا

تیری زلف کے عشق میں اس سے زیادہ ہمارا حاصل وصول نہیں ہے

اے جان عزیز ہماری آہ کا تیر آسمان سے گذر جاتا ہے

اپنی جان پر رحم کر، ہمارے تیر سے بچ

میں بھی حافظؔ کی طرح شراب خانہ کے دروازہ پر مقیم ہو جاؤں گا

جب کہ اے یار طریقت ہمارا پیر خراباتی ہو گیا ہے