گل در بر و مے در کف و معشوقہ بہ کام ست

پھول بغل میں اور شراب ہاتھ میں، اور معشوقہ منشا کے مطابق ہے

ایسے دن میں دنیا کا بادشاہ بھی، میرا غلام ہے

کہہ دو اس مجلس میں شمع نہ لاؤ اس لیے کہ آج کی رات

ہماری مجلس میں، دوست کے رخ کا مکمل چاند ہے

ہمارے مذہب میں شراب حلال ہے، لیکن

اے پھول جیسے جسم والے سرو تیرے چہرے کے بدون حرام ہے

میرا کان پوری طرح بانسری کی آواز اور ستار کے گانے پر ہے

میری آنکھیں پورے طور پر، لعل جیسے ہونٹ اور جام کی گردش پر ہیں

ہماری مجلس میں عطر نہ چھڑک اس لئے کہ جان کے لئے

ہر لحظہ تیرے گیسو سے دماغ معطر ہے

قند، اور شکر، کی شیرینی کی کچھ بات نہ کر

اس لیے کہ میرا مقصد تیرے شیریں ہونٹ سے ہے

جب سے ویرانہ دل میں تیرے غم کا خزانہ مقیم ہے

ہمیشہ، خرابات کا گوشہ، میرا مقام ہے

ذلت کی بات کیا کہتا ہے، میری شہرت ہی ذلت سے ہے

شہرت کے بارے میں کیا پوچھتا ہے، شہرت سے ہی میری ذلت ہے

جم شراب خوار، اور سرپھرے، اور رند اور نظرباز ہیں

جو ہم جیسا نہیں ہے، وہ اس شہر میں کون ہے؟

محتسب سے میرا عیب نہ بیان کرو، اس لیے کہ وہ بھی

ہمیشہ ہماری طرح دائمی عیش کی طلب میں ہے

اے حافظؔ تھوڑی دیر کے لیے بھی بدون شراب اور معشوقہ کے نہ بیٹھ

کیوں کہ پھول، اور یاسمین، اور روزوں کی عید کا زمانہ ہے