کنوں کہ در چمن آمد گل از عدم بہ وجود

اب جب کہ چمن میں پھول عدم سے وجود میں آیا

بنفشہ نے اس کے قدم پر سجدہ میں سر دھرا

دف اور چنگ کی تان پر صبح کی شراب کا جام پی

ساقی کے چاہ غبغب کو بانسری اور سارنگی کے نغمہ پر چوم

زردشتی دین کی رسموں کو باغ میں تازہ کر

اب جب کہ لالہ نے نمرود کی آگ روشن کی ہے

چاندی جیسے رخسار والے، عیسیٰ جیسے سانس والے، معشوق کے ہاتھ سے

شراب پی اور عاد و ثمود کے قصوں کو چھوڑ

سوسن اور عمل کے دور میں دنیا بہشت ہو گئی ہے

لیکن کیا فائدہ، کہ اس میں ہمیشگی ممکن نہیں ہے

پھولوں کے فروغ سے گلشن آسمان کی طرح ہو گیا ہے

مبارک ستارے اور نیک نصیبہ کی برکت سے

جب پھول، سلیمان کی طرح ہوا پر سوار ہوتا ہے

صبح کے وقت پرند ،نغمۂ داؤدی شروع کر دیتے ہیں

پھول کے موسم میں شراب اور معشوق اور چنگ کے بدون نہ بیٹھ

اس لیے کہ زندگی کی طرح ایک ہفتہ بھی ، گنا چنا ہے

آصف زمانہ کی یاد پر بھرا ہوا جام لا

جو ملک سلیمان کا وزیر، عماد الدین محمود ہے

ہو سکتا ہے کہ اس کی تربیت کی برکت سے حافظؔ کی مجلس

جو کچھ چاہتی ہے وہ سب اس کے لیے موجود ہو جائے