روشن از پرتو رویت نظرے نیست کہ نیست

کوئی ایسی نگاہ نہیں ہے جو تیرے چہرے کے پرتو سے روشن نہیں ہے

کوئی ایسی بینائی نہیں جس پر تیرے در کی خاک کا احسان نہیں ہے

تیرے چہرے کے دیکھنے والے تو صاحب نظر ہی ہیں لیکن

کوئی ایسا سر نہیں ہے جس میں تیرے گیسو کا خیال نہیں ہے

اگر میرا چغل خور، آنسو سرخ ہو کر نکلا ہے تو کیا تعجب ہے

کوئی پردہ چاک کرنے والا ایسا نہیں ہے جو اپنے کارنامہ سے شرمندہ نہیں ہے

میں اس پریشان نصیبہ سے رنجیدہ ہوں ورنہ

کوئی دوسرا ایسا نہیں ہے ، جو تیرے کوچہ سے بہرہ مند نہیں ہے

اے روشن شعلے خود تیرے سر میں کیا خیال ہے؟

کوئی ایسا جگر نہیں ہے، جو تیری حرکات سے کباب نہیں ہے

تیری زلف کی سیاہی کے عشق کا قصہ تاکہ ہر جگہ نہ پھیلا دے

کوئ ایسی صبح نہیں ہے جس میں صبا کے ساتھ میری کہن سن نہیں ہے

اے چشمۂ حیات تیرے شیریں ہونٹوں کے خیال سے

کوئی ایسی شکر نہیں ہے، جو پسینہ میں ڈوبی ہوئی نہیں ہے

مصلحت نہیں ہے، کہ راز پردے سے باہر آئے

ورنہ ایسی خبر کوئی نہیں ہے، جو رندوں کی مجلس میں نہیں ہے

میرے وجود کا صرف اس قدر نام و نشان ہے کہ وہ ہے

ورنہ کمزوری کا کوئی ایسا اثر نہیں ہے جو اس میں نہیں ہے

تیرے عشق کے جنگل میں شیر بھی لومڑی بن جاتا ہے

آہ!ایسے راستہ پر، کوئی ایسا خطرہ نہیں ہے جو اس میں نہیں ہے

نازکوں کے لیے عشق کا سفر یقیناً حرام ہے

اس لیے کہ ایسا کوئی خطرہ نہیں ہے جو اس راستہ میں ہر قدم پر نہیں ہے

میرے آنسو، جن پر تیرے در کی خاک کا احسان ہے

کسی دروازے کی خاک ایسی نہیں ہے جس پر ان کے سو احسان نہیں ہے

تاکہ تیرے دامن پر نسیم کی وجہ سے کوئی گرد اڑ کر نہ آ بیٹھے

کوئی راستہ ایسا نہیں ہے جس پر میری آنکھ کا سیل اشک نہیں ہے

میں تباہ دل ہی تیرے ہاتھ سے زخمی جگر نہیں ہوں

کوئی ایسا جگر نہیں ہے، جو تیرے عشق کے غم سے زخمی نہیں ہے

مجھ خستہ پر کینہ کی کمر کیوں کستا ہے، اس لیے کہ محبت کا

کوئی پٹکا ایسا نہیں ہے جو میرے دل اور جان کی کمر میں بندھا ہوانہیں ہے

میں ایک قدم بھی تیرے کوچہ سے نہیں جا سکتا ہوں

ورنہ بے دل کے دل میں کوئی ایسا سفر نہیں ہے، جو نہیں ہے

اس نکتہ کے علاوہ کہ حافظؔ تجھ سے ناراض ہے

ایسا کوئی ہنر نہیں ہے جو تیرے پورے وجود میں نہیں ہے