روضۂ خلد بریں خلوت درویشان است

درویشوں کی خلوت خلدِ بریں کا باغیچہ ہے

درویشوں کی خدمت عزت کا سرمایہ ہے

گوشۂ تنہائی جو عجائبات کے طلسم رکھتا ہے

اس کی کشادگی درویشوں کی توجہ کی نظر میں ہے

جنت کا وہ محل جس کی دربانی کے لئے رضوان پہنچا

درویشوں کی سیر کے چمن کا ایک منظر ہے

جس کے سایے سے سیاہ دل سونا بن جاتا ہے

ایک ایسی کیمیا ہے جو درویشوں کی صحبت میں ہے

جس کے سامنےسورج تکبر کا تاج اتار پھینکے

وہ ایسی بڑائی ہے جو درویشوں کی دولت میں ہے

وہ دولت جس کو زوال کے خطرہ کا غم نہ ہو

بے تکلف سن لے وہ درویشوں کی دولت ہے

اے مالدار تکبر کی رونمائی نہ کر اس لیے کہ تیری

سرداری درویشوں کی توجہ کے پہلو میں ہے

بادشاہ جہاں کے قبلۂ حاجات ہیں لیکن

اس کا سبب درویشوں کے دربار کی غلامی ہے

جس مقصود کے چہرے کے دنیا کے بادشاہ طالب ہیں

اس کا مظہر درویشوں کے چہرے کا آئینہ ہے

قارون کا خزانہ جو اب تک قہر کی وجہ سے دھنس رہا ہے

تونے پڑھا ہوگا کہ درویشوں کی غیرت کی وجہ سے ہے

اگر ایک کنارے سے دوسرے کنارے تک ظلم کا لشکر ہے

تو ازل سے ابد تک درویشوں کو فرصت حاصل ہے

حافظؔ اس جگہ ادب سے رہ اس لیےکہ بادشاہ اور فرشتے

سب کے سب درویشوں کے دربار کی غلامی میں ہیں