در جہاں گر عاشقی ہست اے مسلماناں منم

مسلمانو! دنیا میں اگر کوئی عاشق ہے تو وہ میں ہوں

کوئی کافر یا کوئی مؤمن یا کوئی راہب ہے تو وہ میں ہوں

عرش، فرش، لوح اور کرسی غرض کہ عرش سے فرش تک

وصل اور ہجر کی شکل میں تم جو کچھ دیکھ رہے ہو، وہ میں ہوں

تلچھٹ، ساقی، شراب، موسیقار، ساز اور آواز

معشوق، شمع، مئے اور مستوں کا سرور میں ہی ہوں

تمہیں کیا معلوم کہ دنیاکی مٹی، ہوا، پانی اور آگ کیا ہے

مٹی، ہوا، پانی اور آگ بلکہ جسم اور جان میں ہی ہوں

سچ، جھوٹ، نیک، اچھا، دشوار اور آسان

بلکہ علم ،فضل، زہد، تقوی اور ایمان میں ہی ہوں

یہ سمجھ لو کہ دوزخ کی بھڑکتی اور دہکتی آگ

بلکہ فردوس، جنت، حور اور رضوان میں ہی ہوں

اس زمین اور آسمان کے اندر اور باہر جو کچھ ہے

خواہ وہ فرشتے ہوں یا پری، جن ہوں یا انسان، وہ میں ہی ہوں

شمس تبریزی نے جو کچھ بھی دعویٰ کیا ہے

اس کا مقصد صرف یہ ہے کہ جان جاناں میں ہی ہوں