اے بے وفا جانی کہ او بر بو الوفا عاشق نشد

اے بے وفا جان، اسے بوالوفا سے محبت کیوں نہ ہوئی؟

خدا کا غضب ہو کہ خدا کے فضل کا عاشق نہ ہوا

وہ جان ہی نہیں جو اصل جان کا شیدائی نہ ہوا

وہ لوہا نہیں ہے جو مقناطیس کی محبت میں گرفتار نہ ہو

اس مچھلی پر افسوس جو مسلسل زمین پر گر رہی ہے

اس تانبے پر افسوس جسے کیمیا سے پیار نہیں ہوا

وہ شخص کتنا برا ہے جو بادشاہ کی صحبت کے لائق نہ بن سکے

وہ بولہب صفت ہے جو مصطفیٰ کا عاشق نہ ہو

عاشقوں کے لیے آسمان سے ہر لمحہ آواز آتی ہے

اسے بے خبر ہی کہا جائے گا جو اس آواز کا عاشق نہ ہو

وہ انسان بے ہنر ہے جو ہمارے سمندر میں غوطہ زن نہ ہو

وہ یقینا بے نوا ہے جو اس نوا کا عاشق نہ ہو

اس بادشاہ کی شان و شوکت کا کیا کہنا جو اپنے گدا کا عاشق ہو

اسے کہو کہ وہ اب خاموش رہے کیونکہ ہر بادشاہ ہر فقیر کا عاشق نہیں ہوتا

اے شمس دین تو خدا کے لیے ہمارے درد کی دوا بن جا

وہ درد کتنا مبارک ہے جو ہردوا کا عاشق نہ ہو