از شہر تو رفتیم و ترا سیر ندیدیم

ہم تمہارے شہر سے چلے گیے لیکن ہم نے تمہیں جی بھر کر نہیں دیکھا

ہم تمہارے درخت کی شاخ سے کچے ہی زمین پر گر گیے

ہر پاک اور ناپاک چیز سے ہم سایہ کی طرح گزر گیے

اب ہم تمہارے اندر محو ہو گیے، اب نہ ہم پاک ہیں اور نہ پلید

تمہاری روٹی اور نمک پرانگلی رکھنے کی چاہت میں

ہم نے سوز اور فرقت کے سبب اپنی انگلی ہی کاٹ ڈالی

شکر ہے کہ تریاک ہمارے پاس ہے

کیوں کہ ہم نے بھی وہ زہر کھا لیا ہے جسے تمام لوگوں نے کھایا ہے

جب کوچ کا نقارہ بجا اور ڈھول کی آواز آئی

تو ہم نے اپنا ساز و سامان آسمان پر منتقل کرلیا

اے چاند ہم تمہارے سرو کے سایہ میں چین سے سوئے

لیکن باغباں کے خوف سے ہم باغ میں داخل نہ ہوئے

اس دنیا کے تالاب سے جب پانی نکال لیا گیا

تو ہم بغیرپانی کی مچھلی کی طرح اس زمین پر تڑپتے رہے