شہ خوبان من رنگیں قبا نازک ادا دارد

میرے حسین محبوب نے رنگین قبا اور نازک ادا اختیار کی ہوئی ہے،

اس کی ہر ایک نگاہ اور ہر ایک ادا پر دنیا فریفتہ ہے۔

وہ صدہا ناز و کرشموں اور لامحدود شوخیوں کا مالک ہے، اس کے ناز و انداز نے عاشقوں کے دل پامال کر دیے ہیں۔

نہ تو اس کی صورت کی کوئی نظیر اس عالم میں موجود ہے، نہ ممکن ہے، میں اس کے دلکشی کا کیا بیان کروں کہ اس میں حسن کی کیسی کیسی صفات جمع ہیں۔

اس کا قدِ رعنا، چہرۂ زیبا اور دل رُبا جمال ایسا ہے، کہ دنیا اس پر قربان ہو جائے اور اس کے زیرِ اثر مسخّر ہو۔

اگر میرا محبوب اپنی خواہش سے مجھے قتل کرنا بھی روا رکھے،تو میں اپنی جان خوشی خوشی اس کے قدموں پر نثار کر دوں۔

اشرفیؔ کے حالِ دل کو مت پوچھو کہ تمھارے عشق میں وہ کیسا ہے، وہ بیچارہ اپنے سینے میں ایسا درد رکھتا ہے جس کی کوئی دوا نہیں۔