سخن می گفتم از لبہاش در کامم زباں گم شد

میں اس کے ہونٹوں کی بات کر رہا تھا میرے منہ میں زبان گم ہو گئی تھی، میں نے اچانک اسکا نام لیا اور میرے منہ میں بات گم ہو گئی۔

میں اپنے گمشدہ دل کو اس کی زلف میں ہر خم میں ڈھونڈھتا تھا کہ اچانک اس کی تیز مزاج آنکھ جان کی طرف گئی اور جان گم ہو گئی۔

مجھے نہیں پتہ کہ اگلا دن کب آ گیا، وہ میرے سامنے سے کب گیا کیونکہ اس وقت ابھی وہ میرے پاس ہی تھا، کہ میرے ہوش وحواس جاتے رہے۔

اس میں طعنے والی کون سی بات ہے، اگر میں گلی میں گھر کو یاد نہ کروں کیونکہ اس خاک کے ہر ذرہ میں ہزاروں گھر گم ہو گئے ہیں۔

میں عشق میں مر جاؤں گا کون جان بچا کر لے جا سکتا ہے، اس وادی سے جس میں ہزاروں کرواں گم ہوئے ہیں۔

بیچارے عاشقوں پر مقصود کا دروازہ کب کھلتا ہے، کیونکہ خوبصورت لوگوں کے دروازے پر ان کے نصیب کی کنجی گم ہو گئی ہے۔

آخر کب تک تم مسکینوں کے حال سے بے خبر رہو گے، عاشق خاک ہو گیا اور اسکی روح خاک رواں میں گم ہو گئی۔