دنیا فانی ہے، اس سے دل لگانا نادانی ہے، دنیا کی زیب و زینت عارضی ہے، دنیا کے جاہ و منصب پر فخر کرنا بے وقوفی ہے۔

سیدوں کا مرتبہ بلند ہے، ان کی عزت کرنا فرض ہے اور حضرت سرورِ عالم صلی اللہ علیہ وسلم کی خوشنودی کا باعث ہے۔

خدمتِ خلق بڑی چیز ہے لیکن شرط یہ ہے کہ خدمت خلوص سے کی جائے نہ کہ کسی غرض سے، خدمت اور غرض کے ساتھ؟ وہ خدمت نہیں بلکہ ایک تجارت ہے۔

درویش حقیقت میں وہی شخص ہے جو کسی سے غرض نہ رکھے، درویش وہ ہے جو سب کی حاجت براری کرتا ہے، نہ احسان جتاتا ہے اور نہ معاوضہ طلب کرتا ہے۔

دنیا ایک جال ہے جو اس جال میں پھنسے گا آخر کو پریشان ہوگا۔

لوگ نادان ہیں، وہ اس بات کو نہیں سمجھتے کہ دنیا چند روزہ ہے، دنیا دار دنیا کو چند روزہ نہیں سمجھتے اسی لیے تگ و دو میں لگے رہتے ہیں اور برسوں کے انتظام کرتے ہیں۔