سلامی وہ رن میں شہ_دو_جہاں ہے

سلامی وہ رن میں شہ دو جہاں ہے

جھکا جس کی تعظیم کو آسماں ہے

ادھر ہے ہویدا یزیدی اطاعت

خدا کی رضا اس طرف بھی عیاں ہے

فدائی جو تھے ہو چکے وہ فدا سب

تہ تیغ اب شاہ کا امتحاں ہے

جو کردار شبیر مقتل میں دیکھا

وہ دنیا کے پردے پہ ملتا کہاں ہے

نہ مانگی دعا جس نے رد بلا کی

مسیحا سے بالا وہ عرش آشیاں ہے

تہ تیغ سجدے میں سر کو جھکانا

خدایا غضب کا ترا امتحاں ہے

کرے مدح شبیر کی کیفؔ کیوں کر

نہ عالم نہ فاضل نہ وہ خوش بیاں ہے