آپ جب تشریف لائے مٹ گئے ظلمت کے سائے
آپ جب تشریف لائے مٹ گئے ظلمت کے سائے
با ادب سر کو جھکائے قدسیوں نے گیت گائے
یا نبی سلام علیک
دشت و صحرا صحن گلشن آپ کے جلووں سے روشن
آپ کا ہے خلق احسن خم دو عالم کی ہے گردن
یا نبی سلام علیک
اے شہنشاہ رسالت ہم پہ بھی چشم عنایت
دور ہو رنج و مصیبت ہو نگاہ لطف و رحمت
یا نبی سلام علیک
اپنے روضہ پر بلائیں عارض انور دکھائیں
بخت خفۃ کو جگائیں با ادب ہم گنگنائیں
یا نبی سلام علیک
جاں کنی کا جب ہو عالم قبر میں اٹھنا ہو جس دم
بزم محشر جب ہو قائم لب پہ یہ نغمہ ہو دائم
یا نبی سلام علیک
آپ داتا ہم سوالی اب دکھا دیں باب عالی
چوم کر روضہ کی جالی یہ کہے شبنمؔ کمالی
یا نبی سلام علیک
- کتاب : صہبائے عقیدت (Pg. 212)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
