mohammad kaa karam allaah kii rahmat ban gayaa sehraa
mohammad kaa karam allaah kii rahmat ban gayaa sehraa
Anwar Farrukhabadi
MORE BYAnwar Farrukhabadi
mohammad kaa karam allaah kii rahmat ban gayaa sehraa
buzurgo.n kii du’aa se vaj.h-e-raahat ban gayaa sehraa
be-hamdillaah sar-e-naushaah kii ziinat ban gayaa sehraa
KHudaa ke fazl se paiGaam-e-sunnat ban gayaa sehraa
ki duulhaa aur dulhan kii mohabbat bun gayaa sehraa
bahaar-e-shaadmaanii aa.ii hai allaah kii rahmat se
khulii hai.n aaj armaa.n kii kaliyaa.n us kii qudrat se
ye jalsa bazm-e-'ishrat ban gayaa shaadii kii barakat se
sar-e-mahfil ’aziizo.n ne jo dekhaa chashm-e-ulfat se
to bhaa.ii kii KHushii bahno.n kii chaahat ban gayaa sehraa
suno ai dosto.n ik madh-bharii jhanakaar hai shaadii
mubaarak ho nashaat-o-’aish kaa shahkaar hai shaadii
mohabbat kaa yaqii.n hai pyaar kaa iz.haar hai shaadii
jo vaalid kii KHushii to vaalida kaa pyaar hai shaadii
sar-e-mahfil 'aziizo.n kii masarrat ban gayaa sehraa
sajaa duulhaa to pyaar aane lagaa phuulo.n ke gajre ko
bahaare.n dekhtii hii rah ga.ii.n nausha ke chehre ko
hasii.n la.Diyo.n se chuumaa jhuum kar ek jalve ko
sajaayaa ham ne yuu.n alfaaz ke phuulo.n se sehre ko
dulhan kii tarah 'anvar' KHuubsuurat ban gayaa sehraa
mohammad kaa karam allaah kii rahmat ban gayaa sehraa
buzurgo.n kii du’aa se vaj.h-e-raahat ban gayaa sehraa
be-hamdillaah sar-e-naushaah kii ziinat ban gayaa sehraa
KHudaa ke fazl se paiGaam-e-sunnat ban gayaa sehraa
ki duulhaa aur dulhan kii mohabbat bun gayaa sehraa
bahaar-e-shaadmaanii aa.ii hai allaah kii rahmat se
khulii hai.n aaj armaa.n kii kaliyaa.n us kii qudrat se
ye jalsa bazm-e-'ishrat ban gayaa shaadii kii barakat se
sar-e-mahfil ’aziizo.n ne jo dekhaa chashm-e-ulfat se
to bhaa.ii kii KHushii bahno.n kii chaahat ban gayaa sehraa
suno ai dosto.n ik madh-bharii jhanakaar hai shaadii
mubaarak ho nashaat-o-’aish kaa shahkaar hai shaadii
mohabbat kaa yaqii.n hai pyaar kaa iz.haar hai shaadii
jo vaalid kii KHushii to vaalida kaa pyaar hai shaadii
sar-e-mahfil 'aziizo.n kii masarrat ban gayaa sehraa
sajaa duulhaa to pyaar aane lagaa phuulo.n ke gajre ko
bahaare.n dekhtii hii rah ga.ii.n nausha ke chehre ko
hasii.n la.Diyo.n se chuumaa jhuum kar ek jalve ko
sajaayaa ham ne yuu.n alfaaz ke phuulo.n se sehre ko
dulhan kii tarah 'anvar' KHuubsuurat ban gayaa sehraa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
