جہاں تک ہے نظر جس کی وہاں تک جلوہ_گر سہرا

جہاں تک ہے نظر جس کی وہاں تک جلوہ گر سہرا

ہے اپنے حسن کی وسعت میں تا حد نظر سہرا

قریب زلف سونے کی کرن ہے رہنما دل کی

سواد شام میں ہے جلوۂ نور سحر سہرا

اسی حسن آدب نے سرفرازی اس کو بخشی ہے

تمہاری پائے پوشی کو جھکا ہے کس قدر سہرا

فروغ حسن دیکھا حسن کا اعجاز بھی دیکھا

چپک جاتی ہیں آنکھیں دل میں آتا ہے نظر سہرا

مبارک ہو شہ شاہد حسین با جفا تم کو

یہ شادی جشن غازی تخت شادی تاج سر سہرا

یہ ہے مقصودؔ سال تہنیت کا مصرع روشن

سواد شام میں ہے آمد نور سحر سہرا