عید پر اشعار

مجھ خستہ دل کی عید کا کیا پوچھنا حضور

جن کے گلے سے آپ ملے ان کی عید ہے

سب سے ہوئے وہ سینہ بہ سینہ ہم سے ملایا خالی ہاتھ

عید کے دن جو سچ پوچھو تو عید منائی لوگوں نے

ہو کے خوش کٹواتے ہیں اپنے گلے

عاشقوں کی عید قرباں اور ہے

عید سے بھی کہیں بڑھ کر ہے خوشی عالم میں

جب سے مشہور ہوئی ہے خبر آمد یار

کل غیر کے دھوکے میں وہ عید ملے ہم سے

کھولی بھی تو دشمن نے تقدیر ہم آغوشی

گلے آ کے مل لیجیے عید ہے

زمانہ ہوا ایک مدت ہوئی

کریں آہ و فغاں پھوڑیں پھپھولے اس طرح دل کے

ارادہ ہے کہ روئیں عید کے دن بھی گلے مل کے

خوشی ہے سب کو روز عید کی یاں

ہوئے ہیں مل کے باہم آشنا خوش

جس روز کہ پہنچے ہے نئی کوئی مصیبت

اس روز تیرا خوگر غم عید کرے ہے

تجھ سے ملنے کا بتا پھر کون سا دن آئے گا

عید کو بھی مجھ سے گر اے میری جاں ملتا نہیں

ابر تمہارے کوں جو ہے بہ شکل ہلال عید

محراب سجدہ طاعت اہل صفا کہوں

رند پی پی کے گلے ملتے ہیں کیا ایک سے ایک

عید کا دن ہے کہ اہل خرابات کی رات

حاجیوں کو ہو مبارک حج عید

عاشقوں کا حج اکبر اور ہے