استاد پر اشعار

جو تمہاری بات ہے ہے وہ زمانہ سے جدا

شوخیاں ایجاد کرتے ہو بڑے استاد ہو

بھولے گا نہ اے اکبرؔ استاد کا یہ مصرع

ساقی دیے جا ساغر جب تک نہ ہو بے ہوشی

وہی انسان ہے احساںؔ کہ جسے علم ہے کچھ

حق یہ ہے باپ سے افزوں رہے استاد کا حق

شاعران دہر کو اب ہے پریشانی نصیب

کرتے ہیں استاد اکملؔ جمع دیواں ان دنوں

آنکھوں آنکھوں ہی میں کھل جاتے ہیں لاکھوں اسرار

درس الفت کے لیے حاجت استاد نہیں

اہل عالم کہتے ہیں جس کو شہنشاہ سخن

میں بھی ہوں شاگرد کوثرؔ اس جگت استاد کا