मुरीदों को चाहिए कि अपने शैख़ को बाप की तरह समझें और दूसरे मशाइख़ को चचा की तरह समझें। ज़ाहिर है कि चचा भी इज़्ज़त दिए जाने के हक़दार होते हैं। उन की बेइज़्ज़ती और तौहीन को न आम रिवाज के हिसाब से बर्दाश्त किया जा सकता है और न शरीअत के हिसाब से। लेकिन, अब उन की तौहीन और बेइज़्ज़ती बहुत बढ़ गई है।

اس جماعت سے مجھے حیرت ہے جو مخلوق کے لیے کوئی نیک کام کرتی ہے تاکہ ان کے نزدیک اعتبار و اعتماد قائم ہو، میاں! مخلوق سے کیا کام؟ کام تو در اصل خدا سے ہے۔

جب بھی خدا کی کبریائی اور بے نیازی کا خیال آتا ہے تو اپنی طاعتیں اور معرفتیں بیکار سی نظر آنے لگتی ہیں، خدا ہی جانے کہ کیا انجام ہوگا اور آخری مرحلہ کیسے طے ہوگا۔

غفلت کے مواقع میں سے ایک کھانے کا موقع بھی ہے مگر زیرک شخص کے لیے یہ عین مشاہدہ ہے یعنی کھانے کی کیفیت اور اس کی لذت میں غور کرے کہ یہ کہاں سے ہے اور کیوں کر ہے اور اس بات کی کیا حقیقت ہے اور اس کے پانے والے کی کیا حیثیت ہے۔

نور کے ٹکڑے ہونا نا ممکن ہے، اگر ہزار چراغ ایک چراغ سے جلا لیے جائیں تاہم اس ایک چراغ کے نور میں کوئی نقصان نہ ہوگا اور نہ اس کا کوئی حصہ ٹکڑے ٹکڑے ہوگا، اسی طرح خدا کی ذات پاک ہے کہ باوجودیکہ ساری چیزوں کا وہی سر چشمہ ہے، تاہم وہ اپنے حال اور تجرد اور اطلاق پر ہے، ان کا حال یہ تھا کہ اگر حفظانِ صحت اور بیماری دور کرنے کی خاطر کوئی علاج کرنا چاہتا تو اس کی پابندی نہ فرماتے۔