کہیں کبیرؔ سنو ہو سادھو امرت بچن ہمار

سنو سادھو کبیرؔ کہتے ہیں کہ ’’ہمارا بچپن امرت ہے (ہماری بات لافانی ہے) اگر اپنا بھلا چاہتے ہو تا ہمارے بچپن کو پرکھو اور اس پر غور کرو۔ تم اپنے خال سے بیگانے ہو گئے ہو۔ تم نے اپنی عقل گم کر دی ہے اورموت کو خرید لیا ہے۔ تمام فلسفے یہیں سے چلے ہیں تمام تعلیمات یہیں نکلی ہیں، یقین پیدا کرو اور بے خوف ہو جاؤ اور عظیم صداقت کا پیام مجھ سے سنو۔ تم کس کے گیت گاتے ہو، کس کا دھیان کرتے ہو، ارے شکلوں کے اس فریب سے باہر نکلو، وہ تو سب کے دل میں بستا ہے پھر اجاڑ ویرانوں میں مارے مارے پھرنے سے کیا فائدہ، اگر تم نے گرو کو دور رکھا ہے تو ظاہر ہے کہ تم دوری اور فاصلے کی پوجا کر رہے ہو، اگر مالک واقعی دور ہے تو پھر اس آس پاس کی دنیا کو کس نے پیدا کیا ہے، اگر تم نے اس کو دور سمجھ لیا ہے، تو پھر تم دور سے دور اس کی تلاش میں جاؤگےلیکن وہ رونے بسورنے اور آنسو بہانے سے بھی نہیں مل سکتا۔ جب وہ دور ہے تو پھر اس کا درشن بھی دور ہے، جب وہ پاس ہے تو صرف مسرت اور سعادت ہے۔ کبیرؔ کہتے ہیں کہ اے بندے (داس) کیوں دکھ اٹھاتا ہے۔ وہ تو تیرے وجود میں جاری اور ساری ہے۔ اپنے آپ کو پہچانو کبیرؔ وہ سر سے پاؤں تک تم میں بسا ہوا ہے۔ خوشی کے گیت (آنند منگل) گاؤ اور دل کا سکون باقی رکھو۔

(ترجمہ: سردار جعفری)