اصل بندگی وہی ہے جو جسم پر گزرے۔

بندگی خزانوں میں سے ایک خزانہ ہے، کنجی اس کی دعا ہے۔

دوست کے نظارہ کے لیے سب کچھ کرنا بھلا معلوم ہوتا ہے، آلام بھی مزہ دیتے ہیں۔

مرید کو چاہیے کہ غیر کو اپنی نظر میں نہ لائے اور مخلوق کی مدح و ذم سے اپنے آپ کو بے نیاز کر لے، جو بھی عمل کرے اچھی نیت اور صدق و اخلاص کے ساتھ کرے، لوگوں کی باتوں سے اپنے آپ کو پراگندہ خاطر نہ کرے اور ان کے نیک و بد کہنے کی پروا نہ کرے، کیوں کہ لوگوں کی زبان سے بچنے کی کوئی راہ نہیں ہے۔

نفس کی رعونت سب خود پرستی ہے، جب تک اس سے چھٹکارا نہ ہو ’’خدا پرستی‘‘ کہاں ممکن ہے۔