خدا رزاق ہے، پھر خدا کو چھوڑ کر بادشاہوں کے در پر کیوں جایا جائے، خدا کے ہوتے ہوئے بادشاہوں کا احسان مند ہونے کی کیا ضرورت ہے۔

طالب شعورِ دل کو غیرِ حق سے دور کرے۔

طالب کو چاہیے کہ توحید حاصل کرے یعنی دل کو غیرِ حق سے تخلیص دے یعنی اس بات میں کوشش نہ کرے کہ مجھ کو طلبِ حق حاصل ہو یا اس کی ارادت حاصل ہو یا اس کا علم حاصل ہو یا معرفت حاصل ہو۔

طالب کو چاہیے کہ ذکرِ حق کی لذت کو اپنا کمال نہیں سمجھے بلکہ محض فضلِ الٰہی اور برکتِ شیخ کا انعام سمجھے کہ یہ لذت عمر بھر کی ریاضت سے بھی حاصل نہ ہوتی، اگر فضلِ حق شاملِ حال نہ ہوتا۔

عشق کی علامت یہ ہے کہ غیرِ حق جل جائے اور وہ اس حد تک کہ طالب کی ذات بھی جل جائے یعنی وہ فراموش ہوجائے سوائے حق کے۔