ik vo ki be-kahe hameñ detā hai ne.amateñ

ik ham ki ham se shukr adā bhī na ho sake

ek wo ki be-kahe hamein deta hai neamaten

ek hum ki hum se shukr ada bhi na ho sake

jaur-o-jafā kā mujh se gila bhī na ho sake

pās-e-adab se tark-e-jafā bhī na ho sake

jaur-o-jafa ka mujh se gila bhi na ho sake

pas-e-adab se tark-e-jafa bhi na ho sake

tauba kā TūTnā thā ki ruḳhsat huī bahār

ehsān-mand-e-jurm-o-ḳhatā bhī na ho sake

tauba ka TuTna tha ki ruKHsat hui bahaar

ehsan-mand-e-jurm-o-KHata bhi na ho sake