bahār-e-lāla-o-gul zulf-e-sabza-o-sumbul

maza thā ham jo gulistān meñ āj-kal jaate

bahaar-e-lala-o-gul zulf-e-sabza-o-sumbul

maza tha hum jo gulistan mein aaj-kal jate

dikhātā itnī to tāsīr girya-e-yā'qūb

dayār-e-misr meñ andhe kueñ ubal jaate

dikhata itni to tasir girya-e-ya'qub

dayar-e-misr mein andhe kuen ubal jate

'asīr' aañkh dikhātā agar hameñ sayyād

qasam tū kyā qafas-e-jism se nikal jaate

'asir' aankh dikhata agar hamein sayyaad

qasam tu kya qafas-e-jism se nikal jate

charāġh ḳhuub huā mere qabr par nā jalā

idhar udhar ke patañge ġharīb jal jaate

charagh KHub hua mere qabr par na jala

idhar udhar ke patange gharib jal jate