is adā se maiñ ne dekhe daaġh apne ḳhuun ke

ik tamāshā roz-e-mahshar un kā dāmāñ ho gayā

is ada se main ne dekhe dagh apne KHun ke

ek tamasha roz-e-mahshar un ka daman ho gaya

tirī āmādgī qātil tabassum hai mohabbat kā

tavajjoh gar nahīñ muzmar to qasd-e-imtihāñ kyuuñ ho

teri aamadgi qatil tabassum hai mohabbat ka

tawajjoh gar nahin muzmar to qasd-e-imtihan kyun ho

maiñ ne pūchhā ġhair ke ghar aap kyā karte rahe

hañs ke farmāyā tumhārā rāstā dekhā kiye

main ne puchha ghair ke ghar aap kya karte rahe

hans ke farmaya tumhaara rasta dekha kiye

ye fareb-e-taskīñ hai tark-e-ārzū ma.alūm

tark-e-ārzū 'maikash' ye bhī aarzū hī hai

ye fareb-e-taskin hai tark-e-arzu malum

tark-e-arzu 'maikash' ye bhi aarzu hi hai

maiñ ne pūchhā ġhair ke ghar aap kyā karte rahe

hañs ke farmāyā tumhārā rāstā dekhā kiye

main ne puchha ghair ke ghar aap kya karte rahe

hans ke farmaya tumhaara rasta dekha kiye

tire kūche kī ho jaaye to achchhā

ḳhudā jaane ye miTTī hai kahāñ kī

tere kuche ki ho jaye to achchha

KHuda jaane ye miTTi hai kahan ki

ziist merī aur ye ayyām-e-firāq

ai ummīd-e-vasl terā kaam hai

zist meri aur ye ayyam-e-firaq

ai ummid-e-wasl tera kaam hai

yā darz khul ga.ī hai koī āsmān kī

duniyā ko jhāñktī hai tapish us jahān kī

ya darz khul gai hai koi aasman ki

duniya ko jhankti hai tapish us jahan ki

tū haqīqat-e-kul hai vahm ġhair-e-bātil hai

balki vahm-e-bātil bhī haq to ye hai tū hī hai

tu haqiqat-e-kul hai wahm ghair-e-baatil hai

balki wahm-e-baatil bhi haq to ye hai tu hi hai

dil miTā jaatā hai aaj un kā ye aalam dekh kar

sharmgīñ haiñ ġhair se sargoshiyāñ hone ke ba.ad

dil miTa jata hai aaj un ka ye aalam dekh kar

sharmgin hain ghair se sargoshiyan hone ke baad

sahte sahte ġham mohabbat ke ye hālat ho ga.ī

hañs ke bolā jo koī us se mohabbat ho ga.ī

sahte sahte gham mohabbat ke ye haalat ho gai

hans ke bola jo koi us se mohabbat ho gai