قناعت انسان کو دنیا میں عزت دیتی ہے اور یہ چاہنا کہ لوگ ہمیں بڑا سمجھیں، دنیا کی محبت کی نشانی ہے۔

جو دنیاوی عزت کا خواہاں ہو اسے تین چیزوں سے بچنا چاہیے۔

اپنی حاجت مخلوق کے سامنے ظاہر کرنا، دوسروں کی خطائیں ڈھونڈنا اور دوسروں کے مہمانوں کے ساتھ گھلنا ملنا۔

غم ایک بادشاہ ہے جو جب کہیں آ کر ٹھہرتا ہے تو اپنے ساتھ کسی اور کو وہاں رہنے نہیں دیتا۔

تین کام بہت مشکل ہیں۔

(۱) فقیری میں سخاوت کرنا۔

(۲) خوف کی حالت میں سچ بولنا۔

(۳) تنہائی میں پرہیزگاری اختیار کرنا۔

پانی جتنا بہتا رہتا ہے صاف رہتا ہے مگر رک جائے تو گندہ ہو کر کیچڑ بن جاتا ہے۔