aarzū hai ki tirā dhyān rahe tā-dam-e-marg

shakl terī nazar aa.e mujhe jab aa.e ajal

aarzu hai ki tera dhyan rahe ta-dam-e-marg

shakl teri nazar aae mujhe jab aae ajal

shab-e-daijūr añdhere meñ hai bādal ke nihāñ

lailā mahmil meñ hai Daale hue muñh par āñchal

shab-e-daijur andhere mein hai baadal ke nihan

laila mahmil mein hai Dale hue munh par aanchal

ā.īna āb-e-tamavvuj se bahā jaatā hai

kahiye tasvīr se girnā na kahīñ dekh sambhal

aaina aab-e-tamawwuj se baha jata hai

kahiye taswir se girna na kahin dekh sambhal