’’ہمارا اور تمہارا کام’’ سکہ و نقد جنس جمع کرنا نہیں ہے بلکہ دلوں کا اکٹھا کرنا مقصود ہے۔

اپنے تمام امور کو نسیان کے ہاتھ میں سونپ دینا توکل ہے۔

سب داخلانِ طریقت کو تاکید کرنی چاہیے کہ ظاہر کو شریعت سے آراستہ رہیں اور اپنا باطن عشق مولیٰ سے پیراستہ۔

لوگوں کی جفا و قفا برداشت کریں اور لب نہ ہلائیں، ہمارا کام دلوں کو ایک جگہ کرنا ہے، اس میں جتنی بھی مشکلات پیش آئیں ان کو خندہ پیشانی سے برداشت کرنا چاہیے۔

محبت ہی ایک ایسی چیز ہے جس پر دنیا میں ایمان و عمل کی صحت و سقم کا دارومدار اور آخرت میں مجازات کا حصہ ہے۔