vo ajab ghaḌī thī meñ jis ghaḌī liyā dars nusḳha-e-ishq ke

ki kitāb aql kī taaq per jiyūñ dharī thī tiyūñ hī dharī rahī

wo ajab ghaDi thi mein jis ghaDi liya dars nusKHa-e-ishq ke

ki kitab aql ki taq per jiyun dhari thi tiyun hi dhari rahi

ḳhalvat-e-intizār meñ us kī

dar-o-dīvār kā tamāshā hai

KHalwat-e-intizar mein us ki

dar-o-diwar ka tamasha hai

mat kaho mujh siiñ qissā-e-farhād

ḳhvāb-e-shīrīñ meñ aaj sotā hai

mat kaho mujh sin qissa-e-farhad

KHwab-e-shirin mein aaj sota hai

shah-e-be-ḳhudī ne atā kiyā mujhe ab libās-e-barhangī

na ḳhird kī baḳhiyā-garī rahī na junūñ kī parda-darī rahī

shah-e-be-KHudi ne ata kiya mujhe ab libas-e-barhangi

na KHird ki baKHiya-gari rahi na junun ki parda-dari rahi

kabhī samt-e-ġhaib siiñ kyā havā ki chaman zuhūr kā jal gayā

magar ek shāḳh-e-nihāl-e-ġham jise dil kaho so harī rahī

kabhi samt-e-ghaib sin kya hawa ki chaman zuhur ka jal gaya

magar ek shaKH-e-nihaal-e-gham jise dil kaho so hari rahi