اگر تیری دونوں آنکھیں سلامت ہیں تب بھی تو ایک آنکھ والے کو دیکھ کر نہ ہنس، شاید وہ ایک والا تجھ سے زیادہ صاحبِ نظر ہو۔

دولت کی دو ادائیں غضب کی ہیں، جب آتی ہے تو اندھا کر دیتی ہے اور جب جاتی ہے تو عقل لے جاتی ہے۔

جہاں کرم ہے وہاں ایمان ہے، جہاں حرص ہے وہاں مصیبت ہے، جہاں غصہ ہے وہاں تباہی ہے۔

اگر میزبان تیرے جانے سے خوشی سے کھِل نہ جائے، اس کی آنکھوں سے محبت نہ چھلک پڑے تو کبھی ادھر کا رخ نہ کرنا چاہیے، چاہے وہاں ہُن ہی برستا ہو۔

سب سے خندہ پیشانی سے ملو نہ جانے خدا کس بھیس میں مل جائے۔

اونچی ذات والا اونچا نہیں، صرف اچھے اعمال والا اونچا ہے۔

سچ بول، صبر کو اپنا شعار بنا، پرائی عورت کو محترم سمجھ، اسی میں بہتری ہے۔