khol aañkh apnī dekh 'ayāñ haq kā nuur hai

har barg-o-har shajar meñ usī kā zuhūr hai

khol aankh apni dekh 'ayan haq ka nur hai

har barg-o-har shajar mein usi ka zuhur hai

banda qusūr-vār hai ḳhāliq mirā ġhafūr

ab ḳhauf dal meñ bhalā ham kabhū kareñ

banda qusur-war hai KHaliq mera ghafur

ab KHauf dal mein bhala hum kabhu karen

sharminda huuñ gunāh se apne maiñ is qadar

kyā chashm-e-pur-gunah ko terī dū-badū kareñ

sharminda hun gunah se apne main is qadar

kya chashm-e-pur-gunah ko teri du-badu karen

jab ḳhudī ahadiyat ne duur kiyā

nūr-e-vahdat ne tab zuhūr kiyā

jab KHudi ahadiyat ne dur kiya

nur-e-wahdat ne tab zuhur kiya

kār-e-majāz mujh pe huā is qadar buland

ḳhirqa ko chaak kar ke kyā hā-o-hū kareñ

kar-e-majaz mujh pe hua is qadar buland

KHirqa ko chaak kar ke kya ha-o-hu karen

ḳhvāb-e-ġhaflat se jaag ai 'fānī'

haq ne ab hukm-e-nafaḳh-e-sūr kiyā

KHwab-e-ghaflat se jag ai 'fani'

haq ne ab hukm-e-nafaKH-e-sur kiya