جھمن اٹھارہویں صدی کے ان خوش ذوق شعرا میں شمار ہوتے ہیں جنہوں نے دہلی کی کلاسیکی شعری روایت میں اپنا ایک نمایاں مقام پیدا کیا، ان کا اصل نام جھمن ناتھ تھا اور شعر و سخن کی دنیا میں جھمن کے تخلص سے معروف ہوئے، وہ قوماً کایستھ تھے اور ان کا تعلق علم و ادب کے اس ماحول سے تھا جس نے دہلی کو اردو زبان و ادب کا مرکز بنا رکھا تھا، جھمن کی ادبی شخصیت کو جلا بخشنے میں سب سے اہم کردار خواجہ میر درد کی شاگردی نے ادا کیا، خواجہ میر درد کے فیضانِ صحبت نے ان کے ذوقِ شاعری کو نکھارا اور ان کے کلام میں سادگی، سوز، وارفتگی اور تصوف کے لطیف عناصر پیدا کیے۔