لالہ بوٹا رام "انند" بلوچستان کے لورالائی کی تحصیل بوری میں نائب محرر کے منصب پر فائز رہے، اگرچہ ان کی عملی زندگی کا بیشتر حصہ سرکاری خدمات میں گزرا، تاہم ان کا اصل ذوق شعر و ادب سے وابستہ تھا، وہ "انند" تخلص اختیار کرتے تھے اور اہلِ قلم میں اسی نام سے معروف تھے، موصوف کو شاعری سے فطری مناسبت حاصل تھی، انہوں نے مختلف اصنافِ سخن میں طبع آزمائی کی، تاہم نعت گوئی سے انہیں خصوصی شغف تھا، ان کے نعتیہ کلام میں حضرت محمد رسول اللہ سے والہانہ عقیدت، قلبی اخلاص اور شعری سلاست کا حسین امتزاج دکھائی دیتا ہے۔