خورشید حسین بخاری اردو اور فارسی کے ممتاز ادیب، محقق اور شاعر تھے، ان کی پیدائش 5 اپریل 1943ء کو تراوڑی، کرنال میں سید بشیر حسین کے گھر ہوئی، خورشید بخاری نے ابتدائی تعلیم کے بعد لیاقت میموریل ہائی اسکول، شیخو پورہ سے میٹرک کا امتحان امتیازی کامیابی کے ساتھ پاس کیا، بعد ازاں گورنمنٹ کالج، شیخوپورہ سے بی۔اے کی ڈگری حاصل کی، اعلیٰ تعلیم کے لیے انہوں نے یونیورسٹی اورینٹل کالج، لاہور میں داخلہ لیا جہاں سے پہلے ایم۔اے فارسی اور اس کے بعد ایم۔اے اردو کی اسناد حاصل کیں، خورشید بخاری کی اہم تصانیف میں مطالعۂ ادبیاتِ ایران (حصہ: نثر)، اردو گرامر کمپوزیشن اور دبدبۂ سکندری قابل ذکر ہیں۔